ദിവസേന നൂറുകണക്കിന് രോഗികളാണ്—വാഹനാപകടങ്ങളിൽപ്പെട്ടവരടക്കമുള്ളവർ—അത്യാഹിത വിഭാഗത്തിലെത്തുന്നത്. എന്നാൽ അഞ്ച് എസി യൂണിറ്റുകളും പൂർണമായും തകരാറിലായതിനാൽ, ഫാനുകൾ മാത്രം ആശ്രയിച്ചാണ് ചികിത്സ തുടരുന്നത്. ചൂട് കൂടുന്നതിനാൽ രോഗികളുടെ അവസ്ഥ കൂടുതൽ ഗുരുതരമാകുന്ന സാഹചര്യമാണ് നിലനിൽക്കുന്നത്.
പ്രശ്നം ബന്ധപ്പെട്ട അധികാരികൾക്ക് അറിയിച്ചിട്ടും നടപടി വൈകുന്നതായി ആശുപത്രി ജീവനക്കാർ തന്നെ വ്യക്തമാക്കുന്നു. ആരോഗ്യരംഗത്ത് കേരളം മാതൃകയാണെന്ന അവകാശവാദങ്ങൾ ഉയരുമ്പോഴാണ്, അടിസ്ഥാന സൗകര്യമായ എസി പോലും ശരിയാക്കാൻ വൈകുന്നത് വിമർശനങ്ങൾക്ക് വഴിവയ്ക്കുന്നത്.
അതേസമയം, തിങ്കളാഴ്ചയ്ക്കകം എസി യൂണിറ്റുകളുടെ കേടുപാട് പരിഹരിക്കാമെന്നാണ് ആശുപത്രി അധികൃതരുടെ പ്രതികരണം. എന്നാൽ അതുവരെ രോഗികൾ നേരിടേണ്ടി വരുന്ന ദുരിതത്തിന് ഉത്തരവാദിത്വം ആരെടുക്കുമെന്നതാണ് ഉയരുന്ന ചോദ്യം.
Post a Comment